Богд Банк IPO гаргах зөвшөөрлөө авлаа



Санхүүгийн Зохицуулах Хорооны 2021 оны 11-р сарын 10-ны ээлжит хуралдаанаар “Богд банк” ХХК-ийн энгийн хувьцааг нийтэд санал болгон гаргахыг зөвшөөрлөө. УИХ-аас энэ оны нэгдүгээр сарын 29-ний өдөр Банкны тухай хуульд нэмэлт, өөрчлөлт оруулах тухай хуулийг баталсан билээ. Энэхүү зохицуулалтын хүрээнд банкны системд нөлөө бүхий банк нь 2022 оны 06-р сарын 30-ны өдрийн дотор нээлттэй хувьцаат компани хэлбэртэй болох, бусад банкуудад нээлттэй эсхүл хаалттай хувьцаат компани байх сонголтыг нээлттэй үлдээсэн. Үүний дагуу банкны системд нөлөө бүхий банканд хамаарахгүй хэдий ч нээлттэй хувьцаат компани болох хүсэлтийг “Богд банк” ХХК-аас гаргасан нь дээрх хуулийн нэмэлт, өөрчлөлтийн хүрээнд нийтэд үнэт цаасаа санал болгон гаргаж, олон нийтийн компани болох хүсэлтийг ирүүлсэн хамгийн анхны банк болж байна.
Тус банкны хувьд нийт хувьцааныхаа 20 хувийг буюу 12,500,000 ширхэг хувьцааг нэг бүр нь 2,540 төгрөгөөр нийтэд санал болгох замаар нийт 31,75 тэрбум төгрөгийг татан төвлөрүүлэхээр төлөвлөсөн бөгөөд 70 хувь буюу 8,750,000 ширхэг хувьцааг стратегийн хөрөнгө оруулагчдад, 30 хувь буюу 3,750,000 ширхэг хувьцааг олон нийтэд худалдах юм.
Банкны тухай хууль тогтоомжийн хэрэгжилтийн хүрээнд банкууд нийтэд хувьцаагаа санал болгох /IPO/ ажиллагааг хэрэгжүүлснээр хөрөнгийн зах зээлийн үнэлгээ өсөж, чанартай, хөрвөх чадвар өндөр шинэ бүтээгдэхүүн, үйлчилгээний тоо нэмэгдэх, гадаад, дотоодын хөрөнгө оруулагчдын идэвх, оролцоо сайжрах, банкуудад урт хугацааны санхүүжилтийн эх үүсвэр бий болж, зээлийн гарц нэмэгдэхээс гадна олон тулгуурт санхүүгийн тогтолцоог бий болгоход чухал алхам болох юм.
 

Жагсаалтруу буцах

Мэдээ мэдээлэл

"БЭРС ЭЙ БИ ЭС АКТИВ ТЗК” ХХК-ИЙН ХБҮЦ-НЫ АНХДАГЧ ЗАХ ЗЭЭЛИЙН АРИЛЖААНЫ НЭЭЛТИЙН ЁСЛОЛ БОЛЛОО

“Бэрс Эй Би Эс актив ТЗК” ХХК-иас олон нийтэд санал болгож буй хөрөнгөөр баталгаажсан үнэт цаас /ХБҮЦ/-ны анхдагч зах зээлийн арилжааг өнө

Дэлгэрэнгүй...

Хөрөнгөтөн Форумд Нэгдлээ!

Үл хөдлөх хөрөнгийн төслүүд болон хөрөнгө оруулагч талуудад олгож буй боломжуудын талаар Биржийн бус зах зээлийн гол тоглогчдын нэг “Инвескор

Дэлгэрэнгүй...

Мон Бийф IPO - "Таван Богд Групп"-н хамгийн анхны IPO зарлагдлаа

Монбийф компани нь олон нийтэд нийт хувьцааныхаа 30 хувь буюу 64,285,700 ширхэг хувьцааг нэг бүрийг нь 45 төгрөгөөр нийтэд санал болгож, 2.9 тэрбум тө

Дэлгэрэнгүй...

"Симпл Ассет ТЗК" ХХК- ийн ХБҮЦ-ны анхдагч зах зээлийн арилжаа эхэллээ

Санхүүгийн зохицуулах хорооны 2022 оны 06 дугаар сарын 08-ны өдрийн 309 тоот тогтоол болон Монголын хөрөнгийн биржийн Гүйцэтгэх захирлын 2022

Дэлгэрэнгүй...

“Инвескор ББСБ” ХК Нэмэлт хувьцаа гаргах төслийн танилцуулга

"Инвескор ББСБ" ХК нь 2019 оны 05 дугаар сард олон нийтэд нээлттэй компани болж хувьцааны нэгж үнийг 1,650 төгрөгөөр с

Дэлгэрэнгүй...